الخميس، 17 يناير 2013

تدمير ذاتي Self Destruction


من اصحب الحاجات ال ممكن يواجهها الانسان بحياتو إنو يكتشف إنو اقرب واحد ليهو بيكرهو و بيحاول يدمرو!
 وده ال حصل معاي..! إكتشفت إنو انا بكره نفسي
لقيت إنو دايما بدمر كل شي جميل بحياتي، وبتعلق بأي شي بسهولة وبنفس السهولة وبصورة اسرع بفقد إهتمامي فيهو! بلاقى نفسي ومن غير ما اوعى بعمل في تصرفات انا اصلا بكره اشوف زول بيعملا
بحاول دايماً اذكر نفسي بأنو انا سئ في اي شي حتى قبل ما اجربو. اما في الجامعة فرسبت اكتر من مرة لأني مابذاكر ودا مش عشان انا كاره القراية لأنو كنت مستعد اقرا اي شي تاني عدا مقررات الجامعة! مع انو بحب التخصص الأنا إخترتو

بس الحاجة الايجابية انو علماء النفس بيقولو انو اول خطوات العلاج هي الاعتراف بالمشكلة وبالتالي انا في طريقي للخطوة التانية,,,


هناك تعليقان (2):

  1. يا ماااان احساسك حقيقي واالله
    تعرف خليك وراء احساسك اما بالسبه للتعلق بالاشياء فدائما الاشياء في البدائيات بتكون اجمل واجمل
    اما في القرايه كلنا في الهواء سوا
    carzy Berce

    ردحذف